كدبة إبريل
كدبة إبريل
ضمير عربى وحلم عربى
كله كلام فى كلام
قديم وجديد
هيعمل إيه الكلام فى قلوب إتحجرت
وماتت من زمن بعيد
ضماير ماحركتش ساكن
وكل يوم بيسقط شهيد وراه شهيد
الدره والعياش وريم
وأسماء وأبو يزيد
لو تشوفهم قلبك يذوب من إبتسامة الموت
إبتسامة شجاعه ورضا
مش إبتسامة جبان رعديد
ده غير الآلاف معتقلين
خلف أسوار حقيره من الحديد
غير أطفال كل يوم بتفقد أب أو أم
أو أخ راح يثير إنتفاضه
أصل ده ولد عنيد
مات الولد وماتت البنت
مات الأب وماتت الأم
وهيفضل الأقصى ينادى
وما من مجيب
إمتى بقى نفوق
إمتى بقى نثور على الظلم
ونتحرر من سلطة العبيد
ولا كل واحد فينا
بإستعباده وذله ومهانته سعيد
حتى الرسول هان علينا
يبقى مش هتهون علينا فلسطين
فين الجيوش المسلمه ؟
فين صلاح يوم حطين ؟
ولا كل واحد فينا مستنى
مدد من السماء
للأسف ده بس هيبقى يوم الوعيد
ده من ضعفنا بنقول عايزين سلام
بس ياعرب مافيش سلام
من غير كرامه أكيد
يعنى أنا أعمل سلام
والعدو بيضربنى ويضرب ولادى
وياكل ويشرب فى بيتى
دى تبقى مهزله
ولا أقولكم دى تبقى
كدبة أبريل
Wapher
del.icio.us
